සුදුසුකම් - විභාගයට අයදුම් කිරීමට
අදාළ වර්ෂය සඳහා තම ශිෂ්‍ය ලියාපදිංචිය අළුත් කළ සිසුන්ට ද අදාල වර්ෂයේදී අලුතින්ම ලියාපදිංචි වූ සිසුන් ද විභාග සඳහා අයදුම් කිරිමට සුදුසුකම් ලබයි. මෙම සිසුන් සදහා විභාග ඉල්ලුම් පත්ර නියමිත කාලයේදී තැපැලෙන් ලැබෙනු ඇත.
අදියර III මට්ටම සඳහා පෙනී සිටීමට අවසර දෙනුයේ අදියර I මට්ටම සහ අදියර II මට්ටම සම්පූර්ණ කර ඇත්නම් පමණි.
AAT විභාග සඳහා අයදුම් කිරීම
විභාග අයදුම් පත සහ ගෙවීම් වවුචර් නොමිලේ නිකුත් කෙරේ. සියලුම මට්ටම් සඳහා එක් පොදු විභාග අයදුම් පතක් භාවිතා කරයි. වලංගු ශිෂ්‍ය ලියාපදිංචිය සහිත සිසුන්ට විභාග අයදුම් පත් තැපැල් කරනු ලැබේ. තැපැල් මගින් විභාග අයදුම් පත්‍රය නොලැබුනේ නම්, කාර්යාල වේලාවන්හිදී උදේ 9.00 සිට පස්වරු 5.00 දක්වා AAT විභාග අංශයට පැමිණීමෙන් විභාග අයදුම් පත්‍රයක් ලබා ගත හැකිය.වලංගු ශිෂ්‍ය හැඳුනුම්පත ඉදිරිපත් කිරීමෙන් සතියේ දිනවල AAT ශාඛා මගින් ද විභාග අයදුම් පත්‍රය ලබා ගත හැක. විභාග ගාස්තු ගෙවිය හැක්කේ ලංකා බැංකුවට (BOC) පමණි
විභාග පැවත්වෙන දිනයන් හා අයදුම්පත් භාරගැනීම අවසන් කිරීමේ දිනයන්
| ඒ ඒ ටී විභාග | විභාග දිනයන් (යාවත්කාලින කරන ලද) | අයදුම් පත් නිකුත් කිරීම | අයදුම් පත් බාරගැනීම | |
|---|---|---|---|---|
| සාමාන්‍ය ගාස්තු යටතේ | ප්‍රමාද ගාස්තු යටතේ | |||
| 2024 ජුලි | 2024 අගොස්තු 10,11 සහා අගොස්තු 17,18 | 2024 අප්‍රේල් 22 | 2024 මැයි 27 | 2024 ජුනි 03 |
ජනවාරි විභාගය සඳහා ඊට පෙර වර්ෂයේ ඔක්තෝම්බර් මාසය තුළදී ද, ජූලි විභාගය සඳහා අප්‍රේල් මාසය තුළදී ද විභාග අයදුම්පත් නිකුත් කරනු ලැබේ. (පවතින තත්ත්වය මත මෙම දින වකවානු වෙනස් විය හැක.)
විභාග අයදුම්පත් යොමු කිරීම
විභාග අයදුම්පත් භාරගන්නා අවසන් දිනට පෙර විභාග අංශයේ ප්‍රධානියා වෙත ලැබෙන පරිදි සම්පුර්ණ කරන ලද විභාග අයදුම් පත්‍රය සහ විභාග ගාස්තු ගෙවූ වවුචරය ලබාදී ඇති ලියුම් කවරය‍ෙ බහා “ලියාපදිංචි තැපෑල” යටතේ එවිය යුතුය.
AAT ආයතනයට ගෙනවිත් භාර දෙන්නේ නම්, විභාග අයදුම් පත්‍රය සහ විභාග ගාස්තු ගෙවූ වවුචරය විභාග අයදුම් පත්‍රය සමග සපයනු ලබන අදාල ලියුම් කවරයේ බහා ඒ සඳහා AAT මධ්යස්ථානයේ තබා ඇති පෙට්ටියට දැමිය යුතුය.
දිවයින පුරා පිහිටා ඇති AAT ශාඛා වලට ද විභාග අයදුම්පත් භාර දිය හැක. ඔබ ඉගෙන ගන්නා අධ්‍යාපනික ආයතන වලට භාර දෙන විභාග ඉල්ලුම්පත් පිළිබඳව ඔබ ඉතා සැලකිලිමත් විය යුතුය
තැපෑලෙන් විභාග අයදුම්පත් එවීමේදී ප්‍රමාදයන් ඇතිවීමට ඉඩ ඇති බැවින්, හැකි සෑමවිටම සම්පූර්ණ කරන ලද විභාග අයදුම්පත් AAT ප්‍රධාන කාර්යාලයට හෝ AAT ශාඛා වලට භාර දෙන්න.
ප්‍රමාද විභාග ඉල්ලුම්පත්
සාමාන්‍ විභාග ගාස්තුවෙන් 50% ක අමතර මුදලක් ගෙවීමෙන් ප්‍රමාද වූ විභාග ඉල්ලුම් පත්ර භාරදිය හැක. මේ සඳහා සාමාන්‍ ගාස්තු යටතේ ඇති අවසන් දිනයේ සිට දින හතක් (7) දක්වා ඉල්ලුම්පත් භාරගනු ලැබේ.
විභාග ඉල්ලුම් පත්‍රය සහා විභාග ප්‍රවේශ පත්‍රය (Admission card) පිලිබඳ තොරතුරු ලබා ගැනීම සදහා පහත සදහන් විශේෂ දුරකථන අංක භාවිතා කල හැක. (Hot-lines)
0741504738
0114377007
| විභාග ගාස්තු ව්‍යුහය | එක් විෂයක් සදහා (රු:) |
|---|---|
| අදියර I | 2,000/= |
| අදියර II | 2,500/= |
| අදියර III | 2,700/= |
| කුසලතා ආධාරක විෂය (BC) | 2,500/= |
විභාග ගාස්තු ගෙවිය හැක්කේ ලංකා බැංකුවට (BOC) පමණි මේ සඳහා CDM යන්ත්ර භාවිත කළ නොහැක
(** Passed Finalist වීමට නම් අදියර III සමග කුසලතා ආධාරක විෂය (Business Communication) අනිවාර්යයෙන්ම සමත් විය යුතුය).
AAT විභාග අංශය විසින් විභාගයට පෙනී සිටීමට සුදුසුකම් ලත් සියලුම අපේක්ෂකයින්ට විභාග ප්‍රවේශ පත්‍රය (Admission Card), කාලසටහන් සහ උපදෙස් පත්‍රිකා විභාගයට සති 2කට පෙර තැපැල් කරනු ලැබේ.
විභාග ප්‍රවේශ පත්‍රයේ සඳහන් ඔබගේ, නම මුලකුරු, තෝරා ගත් මාධ්ය, අයදුම් කළ විෂය, ජා.හැ.ප. අංකය යනාදියෙහි වෙනසක් තිබේ නම් එය විභාගයට යෑමට පෙර නිවැරදි කරගෙන අලුත් විභාග ප්‍රවේශ පත්‍රයක් ලබා ගත යුතුය.
විභාගය පවත්වන දිනයන්, විභාග අංකය, විභාග මධ්යස්ථානය ඇතුළත් ප්‍රවේශ පත්‍රය තැපැල් කිරීම පිලිබදව සහ ඒවා නොලැබූ අය විසින් ප්‍රවේශ පත්ර අනුපිටපත් ලබා ගැනීම පිලිබදව අදාල විස්තර සදහන් පුවත්පත් නිවේදනයක් ඵල කරනු ලැබේ AAT වෙබ් අඩවිය මගින් ද මේ පිලිබදව දැනුම් දෙනු ලැබේ.
විභාග ප්‍රවේශ පත්‍රයේ අපේක්ෂකයාගේ අත්සන සහ අනන්යතාවය එහි සඳහන් කර ඇති පුද්ගලයෙකු විසින් සහතික කළ යුතුය. ජා.හැ.ප. හෝ විදේශ ගමන් බලපත්‍රය හෝ රියදුරු බලපත්‍රය සමග AAT ශිෂ්‍ය ලියාපදිංචි හැඳුනුම්පත සහා නිසි පරිදි සහතික කරන ලද විභාග ප්‍රවේශ පත්‍රය අපේක්ෂකයින් නියමිත දිනට විභාග මධ්යස්ථානයට රුගෙන ආ යුතුය.
ප්‍රවේශ පත්‍රය හා කාලසටහන සමඟ අපේක්ෂකයින්ට නිකුත් කරනු ලබන විභාග නීති රීති වලට සියළුම අපේක්ෂකයින් බැඳී සිටී. විශේෂයෙන් රජය මගින් හදුන්වා දී තිබෙන සෞඛ්‍යය උපදෙස් මාලා වලට අනුව විභාග මධ්යස්ථානය තුල කටයුතු කිරීමට විභාග අපේක්ෂකයන් බැදී සිටි.
අදියර I සහ අදියර II මට්ටම සඳහා අපේක්ෂකයෙකුට සියළුම විෂයයන් සඳහා එකවර ඉල්ලුම් කළ හැක. නැතහොත් 1998 සැප්තැම්බර් සිට ක්‍රියාත්මක වන විෂයයෙන් විෂය සමත්වීමේ ක්‍රමයට අනුව අපේක්ෂකයාගේ කැමැත්ත පරිදි විෂයයන් තෝරාගෙන තමන්ට කැමති ආකාරයට අයදුම් කළ හැකිය. නමුත් මෙම අවස්ථාව අදියර 3ට පෙනී සිටින සිසුන්ට අදාළ නොවේ. අදියර 3ට පෙනී සිටින සිසුන් තවමත් සමත් වී නැති සියලුම විෂයන් සදහා එකවර අයදුම් කළ යුතුය. මේ අනුව අදියර III දී මොනම අවස්ථාවකදිවත් තමන්ට කැමති ආකාරයට විෂයයන් තෝරාගෙන අයදුම් කල නොහැක.
විභාග මධ්‍යස්ථාන සඳහා තෝරාගත යුතු නගර
(මෙම ප්‍රධාන නගරවල ඇති ප්‍රධාන පාසල් තුළ විභාග මධ්‍යස්ථාන පිහිටුවනු ලැබේ.)
AAT ශාඛා ජාලය
විභාග ඉල්ලුම් පත්ර හෝ විභාග ප්‍රවේශ පත්ර පිලිබඳ තොරතුරු පහත සඳහන් AAT ශාඛා මගින්ද ලබා ගත හැක.
© AAT Sri Lanka. All rights reserved.
Solution by Affno
