කුසලතා විෂය ඇතුළුව සියලුම AAT විභාග සම්පූර්ණ කිරීමෙන් පසු ඔබව අවසන් අදියර සමත් වූවකු PF (“PASSED FINALIST” - PF) ලෙස නම් කරනු ලැබේ. BMICH හි පැවැත්වෙන උත්කර්ෂවත් සහතික ප්‍රධානෝත්සවයකදී ඔබගේ PASSED FINALIST සහතිකය පිරිනැමේ. අවසන් අදියර සමත් වූවෙක් වීම, ඔබේ වෘත්තීය අධ්යාපන ගමනේ අවසානය නොව AAT ආයතනයේ වෘත්තීය සාමාජිකයෙකු ලෙස ඔබේ දිගුකාලීන සම්බන්ධතාවයේ ආරම්භයයි.
වසරක ප්‍රායෝගික පුහුණුව සහ දින 2 ක පුද්ගල හා නායකත්ව කුසලතා (PLS) වැඩමුළුව සම්පූර්ණ කිරීමෙන් පසු AAT අවසන් අදියර සමත් වූවන් AAT ශ්‍රී ලංකා ගෞරවනීය සාමාජිකත්වය සඳහා අයදුම් කිරීමට සුදුසුකම් ලබයි. සාමාජිකත්වය ලබාගැනීමෙන් ඔබේ නමට පසුව MAAT අක්ෂර භාවිතා කිරීමට ඔබට හැකියාව ලැබේ. AAT ශිෂ්‍යයෙකුගේ ගමන විභාග අවසන් කර අවසන් අදියර සමත් වූ අයෙක් වීමෙන් අවසන් නොවේ. ඒ වෙනුවට, පිළිගත් වෘත්තිය ආයතනයක් වන AAT සමග සම්භන්ධ වී ඔබට ජීවිත කාලය පුරාම අප සමග සම්බන්ධතාවය ගොඩනගා ගනිමින් අනාගතයේදී විවිධ ප්‍රතිලාභ ලබා ගැනීමටද හැකි වේ.
