அனைத்து பரீட்சைகளையும் முடித்த பின்பு திறமைச் சோதனை கப்ஸ்டோன் பரீட்சையையும் சித்தி பெற்ற பின்பு நீங்கள் “இறுதிப் பரீட்சைக்கு தோற்றியோர் ” PF என பெயரிடப்படுவீர்கள். அத்தகைய முழுமையான பூர்த்தி எனும் சான்றிதழை BMICH இல் நடைபெறும் ஒரு அழகான விருது வழங்கும் விழாவில் நீங்கள் பெறுவீர்கள். அது உங்கள் பயணத்தின் முடிவு அல்ல. அது AAT யின் உறுப்பினராக உங்கள் வாழ்நாளில் பயணத்தை ஆரம்பித்து வைக்கும் தொடக்கப் புள்ளியாகும்.
ஒரு வருட கால செய்முறைப் பயிற்சி மற்றும் இரண்டு நாள் மக்கள் மற்றும் தலைமைத்துவத் திறன்கள் (PLS) செயலமர்வு என்பவற்றை பூர்த்தி செய்து, இறுதித் தேர்வில் தேறியவராக (Passed Finalist) வந்த பின்னர் நீங்கள் இலங்கை AAT கழகத்தின் மதிப்பு மிக்க அங்கத்துவத்துக்கு விண்ணப்பம் செய்வதற்கு தகைமையைப் பெற்றுக் கொள்வீர்கள். இது உங்கள் பெயருக்கு பின்னர் MAAT என்ற எழுத்துக்களை பயன்படுத்திக் கொள்வதற்கான ஆற்றலை உங்களுக்கு வழங்கும். AAT மாணவர் ஒருவரின் பயணம் இறுதிப் பரீட்சைகளில் சித்தியடைபவராக வருவதுடன் முடிந்துவிட மாட்டாது. அதற்குப் பதிலாக, AAT வாழ்நாள் முழுவதுமான உறவொன்றை உங்களுடன் பராமரித்து வருகின்றது. அங்கீகரிக்கப்பட்ட ஒரு தொழில் வாண்மையாளர் என்ற முறையில் கழகத்தின் அங்கத்தவராக வருவதன் மூலம் இந்த உறவை நீங்கள் பராமரித்து வர முடியும். மேலும், அது எதிர்காலத்தில் பல்வேறு விதமான அனுகூலங்களை பெற்றுக்கொள்ளக் கூடிய வாய்ப்பினையும் உங்களுக்கு வழங்கும்.
